حمي التعريض ..
الثلاثاء 04 مايو 2021 -11:54
عزمي المنشاوي يحكي في"نُص دقيقه" حُمي التعريض

 كل طريق في البلد ،تصحي من النوم تلاقيه اعرَّض أو اتعرض ( اصبح عريضاً) حارتين تلاته.. ليه؟
لأن الساده اصحاب السيارات لهم حقوق عالدوله حسب تصور السيد المسئول الكبير أو الصغير ؟ مثلا لازم يطيرو بعربياتهم في شوارع المحروسه.. ده حقهم، حتي لو كسرو عربيات بعض أو كسروا بني آدم ( راجل أو ست) ،نازل يسعي علي رزقه أو يقضي مصالح اولاده. مثلا يقفو أمام أي محل يشتروا أي حاجه ويعطلو الطريق..الخ. طيب.. المواطن الغلبان اللي معهوش عربيه ده ..اللي داس عليه الفقر.. مش ليه حقوق هو كمان؟؟ اقصد زي السيد المسئول ما بيعرض الطريق علشان أصحاب السيارات أجره وملاكي و نقل يعبرو الشارع بطوله. المواطن المترجل ( اللي ماشي علي رجليه) ده مش ليه حقوق؟ زي إيه؟ زي إنه يعبر الطريق (بالعرض مش بالطول) في أمان. إنه يعبر الطريق براحته. زي ما السواقين بيطيرو.. هو عالأقل يمشي و هو مش خايف ! إنه يبقي ليه قيمه.. مايحسش إنه مظلوم أو إنه حشره بتعدي الشارع. ^^صح ولا غلط؟؟!!

تعليقات القراء

أضف تعليق
الأسم
البريد الألكنرونى
التعليق

تعليقات الفيس بوك

أحدث الاخبـــار

الأكثر قراءة

جميع الحقوق محفوظة لموقع البوصلة 2015